Month: September 2023

Prime Minister of Slovenia, Robert Golob, arrives at the Auberge de Castille and is greeted by Prime Minister of Malta, Robert Abela.

Prime Minister of Greece, Kyriakos Mitsotakis, arrives at the Auberge de Castille and is greeted by Prime Minister of Malta, Robert Abela.

Il-Prim Ministru Robert Abela u l-President tal-Kummissjoni Ewropea Ursula von der Leyen iżuru investiment fl-iskola primarja tan-Nadur

Il-Prim Ministru Robert Abela u l-President tal-Kummissjoni Ewropea Ursula von der Leyen żaru l-investiment li qed isir fl-iskola primarja tan-Nadur li jinvolvi tisbiħ estensiv u ambjent isbaħ għall-edukaturi u għal madwar mitejn tifel u tifla li jattendu din l-iskola.

Il-proġett fl-iskola sar b’investiment kapitali ta’ aktar minn €6 miljun minn fondi Ewropej taħt il-Programm NextGenerationEU permezz tal-Pjan ta’ Rkupru u Reżiljenza ta’ Malta. Dan il-proġett inkluda spazji miftuħa u rikreattivi ġodda u spazji ġodda għat-tagħlim ta’ suġġetti extrakurrikulari, fosthom l-arti performattiva. Fix-xogħlijiet li saru sar aċċenn fuq l-aċċessibbiltà fl-iskola u fil-binja ġew introdotti diversi miżuri favur l-effiċjenza fl-enerġija.

Wara ż-żjara fl-iskola flimkien mal-Ministru għal Għawdex Clint Camilleri, il-Ministru għall-Edukazzjoni, l-Isport, iż-Żgħażagħ, ir-Riċerka u l-Innovazzjoni Clifton Grima u s-Segretarju Parlamentari għall-Fondi Ewropej Chris Bonett, il-Prim Ministru u l-President tal-Kummissjoni Ewropea indirizzaw lill-ġurnalisti preżenti.

Il-Prim Ministru Robert Abela fisser il-proġett tal-iskola tan-Nadur bħala eżempju konkret ta’ kif nibnu b’mod sod il-futur. Qal li l-iskola hi parti minn differenza tanġibbli li se tħalli l-ġid fil-komunità. “Dan huwa proġett li se jkun għodda għaċ-ċittadini biex ikollhom il-ħiliet tal-futur”, saħaq il-Prim Ministru Abela hu u jinnota kif il-futur huwa l-qalba l-ħadra.

Il-Prim Ministru Robert Abela rringrazzja lill-Kummissjoni Ewropea u lill-President tagħha dwar il-programm NextGenerationEU għaliex dan huwa mezz kif anki jixpruna l-ġid fost anki gżejjer reġjuni bħalma huwa Għawdex. Il-Prim Ministru saħaq li Malta u l-Unjoni Ewropea jistgħu jagħmlu differenza fil-ħajja tan-nies u jlestu lil Malta għal għada.

L-indirizz tal-Prim Ministru Robert Abela fl-iskola primarja tan-Nadur qed ikun ippubblikat u huwa mehmuż ma’ din l-istqarrija.​

Prime Minister Robert Abela held a bilateral meeting with President of the European Commission Ursula von der Leyen. Discussions encompassed on a wide array of current topics, including the economy, energy, the imperative shift towards environmental sustainability, the war in Ukraine, and migration.

Malta u l-Kroazja għandhom potenzjal biex isaħħu l-kummerċ bejniethom. Dan kien sentiment importanti li qam f’laqgħa bilaterali li kellu l-Prim Ministru Robert Abela mal-Prim Ministru Kroat Andrej Plenković fil-Berġa ta’ Kastilja lejliet is-Summit tal-MED9, li pajjiżna se jilqa’. 

Iż-żewġ Mexxejja rrimarkaw għar-relazzjonijiet b’saħħithom li jeżistu mhux inqas fil-kummerċ. Il-Prim Ministru Robert Abela nnota d-dħul tal-Kroazja fiż-Żona Ewro u fiż-Żona Schengen fil-bidu ta’ din is-sena u kif iż-żewġ pajjiżi għandhom għanijiet komuni favur aktar koperazzjoni.

Iż-żewġ naħat iddiskutew temi oħra li jinsabu fuq l-aġenda Ewropea fosthom l-ekonomija, l-enerġija, it-tibdil fil-klima u l-gwerra fl-Ukrajna. Fuq din l-aħħar tema, iż-żewġ Mexxejja komplew jikkundannaw l-invażjoni mill-qawwiet Russi fl-Ukrajna. Il-Prim Ministru Malti tenna l-appell favur djalogu u taħditiet ta’ paċi. 

Jakkumpanjaw lill-Prim Ministru Robert Abela f’din il-laqgħa kien hemm il-Ministri Owen Bonnici, Ian Borg u Michael Falzon kif ukoll il-Kap tas-Segretarjat tal-Uffiċċju tal-Prim Ministru Glenn Micallef u d-Direttur Ġenerali tad-Dipartiment ta’ Koordinazzjoni tal-Unjoni Ewropea Leandro Borg.