L-Uffiċċju tal-Prim Ministru qiegħed jippubblika r-rapport finali tal-Inkjesta Pubblika dwar l-inċident fatali li seħħ f’Kordin nhar it-3 ta’ Diċembru 2022, hekk kif mgħoddi mill-Bord tal-Inkjesta Amministrattiva, illum l-Erbgħa 28 ta’ Frar. Il-Bord kien maħtur mill-Prim Ministru fit-2 ta’ Awwissu 2023. 

B’hekk il-Prim Ministru qed iżomm mal-impenn li ta pubblikament li ladarba jasal għandu dan ir-rapport finali tal-Inkjesta Pubblika, dan ir-rapport jiġi ppubblikat, f’att ta’ trasparenza, kif anke mniżżel fit-termini ta’ referenza tal-Inkjesta Amministrattiva.