Il-Gvern jesprimi s-sogħba tiegħu għat-telfa ta’ ħames ħajjiet waqt operazzjoni ta’ salvataġġ li l-Forzi Armati ta’ Malta qed tagħmel illum. 

Fl-istess ħin jirrikonoxxi l-ħidma tal-Forzi Armati ta’ Malta li għal darba oħra salvat il-ħajjiet, f’dan il-każ 29 persuna. Tmienja minn dawn il-persuni ngħataw il-kura fl-isptar Mater Dei u l-Gvern irid irodd ħajr ukoll lill-Forzi tal-Ordni l-oħra u t-tim mediku li assista.

Sfortunatament, traġedji bħal tal-lum huma xhieda tal-effetti tal-atti kriminali tat-traffikanti tal-bnedmin u l-Gvern Malti se jibqa’ jaħdem biex ikisser il-mudell ta’ dawk it-traffikanti.